সময়
"পল পল দণ্ড কৰি সময় গৈছে উৰি
পাখি লগা কাঁড়ৰ নিচিনা অবিৰাম"
বিশ্বৰ জীৱন্ত স্বৰূপেই সময়।সময় নদীৰ দৰে চিৰ প্ৰৱাহমান।সময় নীৰৱে অাগবাঢ়ে ৰ'দ-বতাহ-বৰষুণ,দিন-ৰাতি গছকি,গৈয়েই থাকে,অনাদিৰ পৰা অসীম দিগন্তলৈ। বিজ্ঞানী এলবাৰ্ট অাইনষ্টাইনে কৈছিল - সময় বুলি একো নাই। ই অামাৰ মনৰ অলীক সৃষ্টি মাত্ৰ। তথাপি সময়ৰ চেতনাই মানুহক কৰ্মশীল, ক্ৰিয়াশীল কৰি ৰাখিছে। সময়ে দিয়ে মানৱক কৰ্মৰ অনুশীলন,য'ত মানৱৰ উদ্ভাৱিত শক্তি নিহিত হৈ থাকে।
সময় অমূল্য।জীৱনত এটা বছৰৰ মহত্ব কিমান তাক জানিবলৈ সেই বছৰত পৰীক্ষাত অকৃতকায্য হোৱা এজন পৰীক্ষাৰ্থীক সোধক।এক মাহৰ মহত্ব জানিবলৈ হলে সেইজনী মাতৃক লগ ধৰিব পাৰে যিজনে মাতৃয়ে ন-মাহতে নিজৰ ভ্ৰুণটোক প্ৰশৱ দিছে।সাতদিনৰ মহত্ব জানিবলৈ হ'লে কোনো এখন সাপ্তাহিক বাতৰি কাকতৰ মুৰব্বী বা সম্পাদক জনক লগ ধৰক।এক দিনৰ মহত্ব কিমান?সেইজনে ক'ব পাৰিব-যিজনে দৈনিক হাজিৰা কৰি মজুৰি নাপায় এমুঠি অন্নৰ বাবে হাবাধুৰি খায়।এক ঘন্টাৰ মহত্ব জানিবলৈ হলে চিকন্দৰক সোধক,যিজনে নিজৰ অাধা ৰাজ্য দি এক ঘন্টা মৃত্যু পিছুৱাবলৈ অাগ্ৰহ কৰিছিল।এক মিনিটৰ মহত্ব সেই ভাগ্যৱান জনক সোধক যিজনে ৱল্ড ট্ৰেড চেন্টাৰ বাগৰি পৰাৰ অাগতে তাৰ পৰা ওলাই অাহিছিল।শেষত এক ছেকেণ্ডৰ মহত্ব জানিবলৈ হ'লে ফিনলেণ্ডৰ ইতিহাস ৰচনা কৰা অসম কন্যা হিমা দাসক সোধক,যিজনী দৌৰ-ৰাণীয়ে ৫১:৪৬ ছেকেণ্ডত ৪০০ মিটাৰ দৌৰি এথলেটিছত সোণৰ পদকৰে বিশ্ব চেম্পিয়নশ্বিপত স্বৰ্ণ জয় লাভ কৰে।
ব্ৰেঞ্জামিন ফ্ৰেংকলিনয়ে কৈছিল -
জীৱনক ভালপোৱানে? তেনেহ'লে সময়ৰ অপব্যয়
নকৰিবা, কাৰণ জীৱন মানেই সেই বস্তুটোৱেই গঢ়া…
সময়ৰ সমষ্টিয়েই জীৱন। সীমাবন্ধা জীৱনত যিকণ সামান্য সময় অামি পাওঁ তাক সদ্ ব্যৱহাৰৰ যোগেদি অামি জীৱন সাৰ্থক অাৰু সুখময় কৰি তুলিব লাগিব। প্ৰতিটো ক্ষণ অামি টিকি ব্যৱহাৰ কৰিব লাগিব।
অমূল্য সময়ৰ সদ্ ব্যৱহাৰ অামাৰ কাম্য।সকলোৱে সময়ক অমূল্য ধন হিচাপে লৈ নিজক প্ৰতিষ্ঠা কৰাৰ মনোভাৱ পোষণ কৰক।সময় মানৱ জীৱনৰ পৰিচালিকা শক্তি। ইংৰাজীত এষাৰ কথা অাছে - Time and Tide Wait For None....সময় কাৰোবাবে ৰৈ নাথাকে অাৰু কেতিয়াও সি ঘূৰি নাহে।সেয়ে সময়ক জয়ী কৰি সময়ৰ স'তে খোজ পেলাওক।
✍✍ *হৰজিৎ মেধি*
পাঠশালা,বৰপেটা
৮৭২১৮৮৩৯৬৩
