যুদ্ধজয়ী ঘোৰাৰ কদমত উভতি আহিছে নবীণ ঘৰলৈ।আজিৰ শৰতৰ সন্ধিয়াতো তাৰ বাবে চিৰস্মৰণীয় হৈ ৰৱ।আজিৰ এই সন্ধিয়াতো তাৰ জীৱনৰ সফলতাৰ মাইলৰ খুটিস্বৰূপ। নবীণ সৰুৰে পৰা বিপ্লবী মনৰ লৰা।সৰুতে তাৰ খেৰি ঘৰত জ্যোতি বিষ্ণুৰ ফটো আৰি মাটিৰ বেৰত সি এঙাৰেৰে লিখিছিলব" অগ্নি যুগৰ ফিৰিঙতি মই " নতুন অসম গঢ়িম " মেট্ৰিকত ষ্টাৰ নম্বৰ পোৱা পুতেকক মৰমতে মূৰত হাত বুলাই আখৰ নিচিনা দেউতাক ঘনশ্যামে কৈ গৈছিল " নামটো নবীণ কামতো নবীণ বীৰ পুৰুষৰ দৰে হ'ব লাগিব।মাতৃ কমলাই ও বেৰত আৰি থোৱা ৰাাধা কৃষ্ণৰ ছবিত ধূপ দি প্ৰাৰ্থনা কৰিছিল-'' লৰাটিক চাবা বাপা ,দেশৰ যিহে অৱস্হা,শতৰুৰ দেশ এইখন । দেশৰ উন্নতি,দহৰ উন্নতিৰ গাওৰ উন্নতিৰ সপোন লৈয়েই নবীণ ওলাল গুৱাহাটীৰ বায়েকৰ ঘৰৰ ওচৰৰে কলেজখনত এবছৰ এবছৰলৈ ৰাজনীতি বিজ্ঞান বিষয়ত স্নাতক হৈ সি গমকে নেপালে।সুখ্যাতিৰে ৰাজনীতি বিজ্ঞানত স্নাতক হৈ সি যেতিয়া একেবাৰে উভতি আহিল তেতিয়াহে সি ভালকৈ বুজি উঠিল তাৰ সপোনৰ গাওখন গাঁও হৈ থকা নাই ।তাৰ আপোন নৈখনিৰ সোণালী জাৰণিখন আৰু জিৰণিৰ স্হান হৈ থকা নাই।গাঁওৰ বৰ নামঘৰৰ আগচোতালত এতিয়া আৰু আগৰ দৰে ভাওনাৰ আখৰা নচলে তাত চলে জুৱাৰ আড্ডা।পুথিভৰালটোও যেন হৈ পৰিছে নিশাৰ মদ ভাংৰ ৰমৰমীয়াৰ আড্ডাৰ সুৰক্ষিত স্হান। কিন্তু সিটো আন দহজনৰ দৰে মুখত আঙুলি ভৰাই বহি থকা কাপুৰুষ নহয়।দেশ বুলি কলে নিজৰ গাও বুলি কলে তাৰ দেহত দৌৰিবলৈ ধৰে এহেজাৰ ৰণুৱা ঘোৰা।কি কৰা যায় এটা উপায় ওলাল ।গাঁওৰে দুই এজন সমাজ হিতৈষী ব্যক্তি,নবীণৰ সহপাঠী কাজল, শ্যামল, মাধুৰ্য্য অাদি উদ্যমী ডেকা কেইটাক লগত লৈ অাপোন নৈৰ জাৰণি খনত এক দীঘলীয়া অালোচনাৰ অন্তত জন্ম দিয়া হল - "নবাৰুণ সমাজ সংস্কাৰ সংঘ"।নৈৰ পাৰৰ বিগ্ৰহটোত অাটায়ে অাঠু লৈ শপত খালে এই গাঁওৰ পৰা যি কোনো মূল্যৰ বিনিময়ত নামঘৰৰ সন্মুখৰ জুৱাৰ অাড্ডা, নিশা পুথিভড়ালত বহা মদৰ অাড্ডা অাতৰাবই লাগিব। এনকৈ দিন বাগৰিল নবাৰুণ সংঘৰ ও পৰিসৰ বৃদ্ধি হ'ল।গাঁও মহিলা সমাজেও এই সংন্থাত যোগ দিলে।এটা সময়ত উঠি অহা নতুন ল'ৰাখিনিয়েও সংন্থাটোত সহাৰি যোগালে।গাঁওৰ পৰা কলা এন্ধাৰ অাতৰ হ'ল। পুথিভৰালটোও কিতাপে ৰে ভৰি পৰিল, অাগৰ দৰে বৰনামঘৰৰ অাগচোতালত ভাওনা চলিবলৈ ধৰিল, তালৰ চাপৰিত মুখৰিত হ'ল চৌদিশ। অাপোন নৈ খনৰ জাৰণিখনত ও মাজে সময়ে কবিতাৰ অনুষ্ঠান পতা হ'ল। নবীনে অাজিহে তাৰ হেৰোৱা স্বপ্নটি যেন বিচাৰি পালে। মনৰ উলাহত সি তাৰ কোঠাত বিষ্ণুৰাভাৰ ফটোখনলৈ অাগবাঢ়ি গ'ল। অাৰু ওপৰলৈ হাত দাঙি চিঞৰি উঠিল - "সোণোৱালী গাঁও মোৰ,সোণোৱালী অসম। তোমাৰ বাবে মই ধৰিছো জনম।"
✍✍ অৰিন্দম শৰ্মা ,প্ৰচাৰ সম্পাদক,
(মুখা: অসমীয়া ত্ৰি-মাসিক ই অলোচনী)
