এটা সুৰ হৈ বৈ যায় নৈখন
নি: শব্দ সুৰ
প্ৰাণোচ্ছল গতি
জল কলৰৱত প্ৰাণ পাই উঠে
নৈপৰীয়া গাঁও.. শ্যামলিমা উপত্যকা
গাঁওৰ পঁজাবোৰ বন্তি হৈ জ্বলে
মানুহবোৰৰ বুকুত সূৰ্যমুখী ফুলে
তাতেই উদ্ যাপিত হয়
শৈশৱ কৈশোৰ যৌৱন..
নৈয়ে গঢ়ে
নৈয়ে ভাঙে
সভ্যতা জীৱন শৈলী
মানুহবোৰে যেতিয়া পৰিধি ভাঙে
প্ৰকৃতিৰ উৰ্ব্বৰ বুকুত বৰ্বৰতাৰে চলাই পোষ্টম'ৰ্টেম
ঠিক তেতিয়াই নৈখন হৈ উঠে বিদ্ৰোহী
(নৈখনে) মচি দিয়ে বৰ্ণিল ছবিবোৰ
গাঁও নগৰ পথাৰ পাহাৰ
এখন উকা কেন্ ভাছ হৈ পৰি ৰয়
সেই উপত্যকা
বুকুৱে বুকুৱে জীৱন্ত ঘা লৈ
ঘাঁহে পুন: গজালি মেলালৈ ৰৈ থাকে মানুহবোৰ
এটা সুৰ হৈ বৈ যায় নৈখন..
🖋🖋দ্বীপেন মেনা
বেলশৰ, নলবাৰী
