এমুঠি সুউজ্জ্বল আভা যিয়ে
অজ্ঞানতাৰ আন্ধাৰ নেওচি
আজুৰি আনক বিজয়ৰ নৱতম সূৰুয "
পোন প্ৰথমে অসমীয়া ভাষা, সাহিত্য, সংস্কৃতিৰ গুৰিধৰোতা শুভাকাংক্ষীসকলক মোৰ অন্তৰৰ নিভৃততম কোণৰ পৰা যাঁচিছো সুকোমল শ্ৰদ্ধা ও কৃতজ্ঞতা। অনাদিকালৰ পৰা প্ৰবাহমান আমাৰ সাহিত্যৰ চিৰবিনন্দীয়া গতিত বৰপূজা আগবঢ়াবলৈ তথা নবীন,প্ৰবীণ ইচ্ছুক সাহিত্যপ্ৰেমীসকলক " *মুখা* " ৰ সহায়ত আমি দিব বিচাৰিছো এখন মঞ্চ……এটি পৰিচয়……এধানি উৎসাহ… " *মুখা* " ৰ নিৰ্বাচনী কমিতিৰ সম্পাদিকা হিচাপে লিখনিসমূহ নিৰ্বাচন কৰাৰ ক্ষেত্ৰত বহু শুৱলা শব্দৰ অভাৱনীয় হাৰত বিলুপ্তি মোৰ দৃষ্টিগোচৰ হৈছে যিটো সঁচাকৈ এটি দুখজনক লক্ষণ। যদি আমি আপোন শব্দবোৰ পাহৰি যাওঁ তেন্তে আমাৰ অসমীয়া সাহিত্যৰ শব্দৰ ভঁড়ালৰ কিমানখিনি ক্ষতি হব আপোনালোক সকলোৱে হয়তো অনুমান কৰিব পাৰো। মই ভাবো যে যিমানখিনিলৈ সম্ভৱ আমি শুদ্ধ তথা নিঁখুতকৈ আমাৰ ভাষা তথা শব্দৰ প্ৰয়োগ কৰা উচিত।কাৰণ গুণী-মানী ব্যক্তিসকলে আগতেই কৈ গৈছে যে ভূল অসমীয়া ভাষাৰ প্ৰয়োগ কৰাৰ বাহিৰে ভাষাটোৰ বিস্তৰ ক্ষতি সাধন কৰিব পৰা বিকল্প উপসৰ্গ একো নাই। সদৌ শেষত মোৰ সমূহ সতীৰ্থ তথা আমাৰ প্ৰত্যেকগৰাকী শুভাকাংক্ষীলৈ আন্তৰিক অভিনন্দন জ্ঞাপন কৰিলো।লগতে আমাক উৎসাহিত কৰি হাতত হাত মিলাই আগুৱাই যোৱাত সহায় কৰিব বুলি আশা থাকিল।" *মুখা* "ৰ জয়যাত্ৰা অক্ষুণ্ন থকাৰ কামনাৰে……
বৰষা বৰ্মন ,
নিৰ্বাচনী সম্পাদিকা
