চেপেটা লগা পেটটোত
কেঁচু কুমটিবোৰে কুটকুটালে
চকুৰ নৈখন সৰসৰাই বৈ আহে,
বন্ধু, চকুৰ নৈখনে জানো শিল গলাব পাৰে?
আঘোণ যদিও ভৰুণ শূৰ পোকে কুটে
আঘোণৰ ভ্ৰূণ পৃথিৱী সকলোৰে বাবে
কিন্তু কঙালে চিৰাচিৰ কৰে।
বন্ধু, পংগুত্ব সাবটি জীবলৈ জানো কাৰোবাৰ মন যায়?
জুই-পানী একাকাৰ নহ'লেও
একাকাৰ হয় তেল-পানী কঙাল
আঘোণ একাকাৰ হ'লেও
মাটিমাহৰ দৰেই ফাঁটি পৰে এদিন।
জানা বন্ধু,চেষ্টা কৰোঁ
কিন্তু ফঁটা বস্তু জানো জোৰা লাগে?
🖋🖋🖋বিশ্বজিৎ ডি চেতিয়া,
ঠিকনাঃবৰটিং নাওশলীয়া,গোলাঘাট
