মোৰ মৃত্যু হ'লে
সমাধি যান্ত্ৰিকতাৰে নাসাজিবা।
মোৰ সমাধিত
এজোপা মদাৰ ৰুবা আৰু এজোপা এজাৰ।
মদাৰবোৰ যে ফুলিব
সেয়াই মোৰ আনন্দ,
আৰু মদাৰবোৰ যে ৰঙা হ'ব
পৰলোকত সেয়াই মোৰ শান্তি।
এজাৰ জোপাই
তোমাৰ মনৰ বেজাৰ আঁতৰাব
আৰু বেঙুনীয়া এজাৰবোৰে তোমাক আনন্দ দিব।
সমাজখনে বুজিব-
এজাৰে বেজাৰ নলগাই
এজাৰ মানে দুখ নহয়, আনন্দ
আৰু বুজিব ৰঙা মদাৰৰ তাৎপৰ্য।
মোৰ সমাধি সাজিবা
মদাৰ আৰু এজাৰেৰে।
✒ গাম্ভীৰ্য্য মূদৈ
গাওঁ: দলপাবাৰী (মূদৈচুক)
জিলা: লখিমপুৰ, অসম
9101147461
